ทำนายดวง ปีเกิด ลานนา

จากหนังสือของดีจากปั๊บสา ข้อมูลโดย อ.คัมภีร์ปัญญา เขียนยันต์ อ.ญาณสัมปันโน รวบรวมตรวจชำระ

ดูกำเนิดปี
สิทธิการิยะทีนี้จักกล่าวด้วยกำเนิดปีอันโบราณาจ๋ารย์เจ้าเล่าสืบ ๆ กั๋นมาหื้อแจ้งก่อนแลฯ

ผู้เกิดปีใจ้(หนู)

          ปุคละญิงจายฝูงใดเกิดปี๋ใจ้ ลงด้วยธาตุน้ำอาจารย์เจ้ากล่าวไว้ว่า จุธาตุเจ้าจ๋อมทอง เมื่อแรกเกิดเก๊าก่อนนั้นได้มาอาศรัยอยู่ตี่ต้นโพธิ์ มีผีเสื้อรักษาอยู่ จิ่งได้เจี๋ยรจ๋ากั๋นว่าดูราเจ้ากูเหยจักมาอยู่ร่วมกั๋นในตี่นี่บ่กวรเยียวว่าพยาธิจักมาบังเกิดแก่เราจ๊ะและ ด้วยเหตุนั้นข้าจักไปเอากำเนิดในขะกุ๋ลคนตังหลายก่อนและ รอยว่าปายลูนมามีภัยยะมาบังเกิดในต๋นตั๋วแห่งข้าดั่งอั้นก่ดี ข้าก้จักเอาเครื่องต่าง ๆ มาปู๋จา หื้อสูเจ้าตังหลายจุ่งไปรับเอาเครื่องปู๋จานั้นเต๊อะหื้อได้เอาเปียธิตังหลายไปกับตั๋วแห่งเจ้านั้นเต๊อะกันว่าเจี๋ยรจ๋ากั๋นสันนี้แล้ว

       จิ่งได้เข้าอยู่ในคัพพะอันเป๋นแม่แห่งต๋น และได้เกิดมาเป๋นคนญิงจายตังหลายนี้แลฯ หื้อไหว้พระธาตุเจ้าจ๋อมทองว่า นะมามิ ติโลกะโมลิง โลหะกุเฏ ปะติฏฐิตัง ปูชิตัง สัพพะโลเกหิ กิตติมันตัง มะโนหะรัง อะหัง วันตามิ สัพพะตาฯหื้อได้สร้างธรรมเต๋มิยะเป๋นธรรมจาต๋าเป๋นตาน ยอดตานนั้นหื้อได้สร้างศาลาและบ่อน้ำเป๋นยอดตานก็จักสมฤทธีอยู่ดีมีสุขบ่ออย่าจะแลฯ

          ญิงจายใดก็ดีเกิดในปี๋ใจ๊ เปิ้งหนูธาตุน้ำ สิริตกอยู่ตี่หัว พรหมอาทิตย์เป๋นปากพูดจาโอหัง เด็ดขาดไม่เกรงกลัวไคร ทำอะไรมักตามใจตนเองแต่มักเป็นที่ถูกใจของผู้ใหญ่และสมณชีพราหมณ์ อังคารเป็นใจ๋มักมีใจ๋เหลาะแหล่ะไม่แน่นอนเปลี่ยนใจ๋ง่าย ถ้าคบคนพาล ๆ จะพาไปหาผิดแต่ถ้าคบบัณฑิตจะก้าวหน้าจะได้ดิบได้ดี เป๋นคนมักมากในก๋ามคุณ พฤหัสเป๋นตี่นั่ง ท่านว่าเกิดที่นี่ย้ายไปอยู่ที่อื่นจิ่งจะดีมีหลักฐาน จันทร์กับพุธเป๋นมือท่านว่าเป๋นคนขยันหมั่นเพียร เป๋นคนมีฝีมือดีทำอะไรก็ดีไปหมด ศุกร์กับเสาร์เป๋นเท้าท่านว่าเป๋นคนชอบเดินทางไกล๋เสมอ ๆ พึ่งพาอาศัยญาติพี่น้องไม่ค่อยได้ เป๋นหญิงมักจะได้สมีที่มีความสามารถกว่าต๋นได้เกิดมาร่วมกับเจ้าเต๋มียะเมื่อยามเล็กมักลำบากโตขึ้นจะได้รับความสุขมีสมบัติพอตั๋ว เป๋นผู้มีอายุยืนแลฯ

ผู้เกิดปีเป้า(วัว)

          ปุคละญิงชายฝูงใดเกิดปี๋เป้า เปิ้งวัว ลงธาตุดินจุธาตุเจ้าลำปางหลวงแรกแต่เก๊าก่อนหัวตีนั้นได้อาศรัยอยู่ตี่ต้นบุญนาคมีหมารักษาอยู่ได้ฟู่อู้เจี๋ยรจ๋ากั๋นว่าดุราเจ้ากู กันว่าจักมาอาศรัยอยู่ร่วมกันตี่นี้เตี่ยงบ่กวรจะแล เยียวว่าเปียธิจักมาบีบเบียนแก่เราจะแล เหตุนั้นกวรปากั๋นไปเอากำเนิดตี่ในขุกุ๋ลคนตังหลายก่อนและ หลอนว่าปายลูนมามีเปียธิพยาธิมาบังเกิดในต๋นตั๋วแห่งข้าดั่งอั้นก็ดี ข้าก็จักเอาเครื่องมาปู๋จาหื้อสูเจ้าตังหลายนั้นรับไปเต๊อะกันว่าเจียรจ๋ากันสันนี้แล้วจิ่งได้มาเอากำเหนิดในคัพพะมารดาแห่งต๋น และได้เกิดมาเป๋นคนญิงชายตังหลายแลฯ

          หื้อไหว้พระธาตุเจ้าลำปางหลวงว่า โย ปาตุภูตา อตุลานุภาวา จิรัง ปติฏฐิโต ลัมพุกัปปปุเร เทเวน คุตตา อุตตราภิเธยยะ นมามิหันตังวระชินธาตุง กุมารกัสสัป ปราธาตุโย ปฏิยหาพันนธาเปติ มหาฐาเน เจติยัง ปูชิตารนเทเวติ ตัสสะ นมามิหังฯ

         หื้อสร้างธรรมมหาเวสสันตระเป็นธรรมจาต๋าปีฯ ยอดตานหื้อสร้างโรงไฟเป็นตานหากจักสมฤทธีบ่อย่าจ๊ะแลฯ

         คนเกิดปีเป้าเปิ้งวัวธาตุดิน สิริตกอยู่ที่ปากพรหม มักอู้จ๋าไพเราะเป๋นที่ชอบใจ๋แก่คนตังหลาย มักได้ดิบได้ดีเพราะปาก พุธเป๋นใจ๋เป๋นคนมีความคิดรอบคอบ มีใจ๋เมตตาต่อคนทั่วไป ทำคุณคนไม่ขึ้นดุจดั่งปิดทองหลังพระ เสาร์เป๋นที่นั่งเป๋นคนมีกามารมณ์แรง และมีเสน่ห์อยู่ในตัวเป๋นชายมักพูดจาถูกใจหญิง เป๋นหญิงมักมีรูปร่างงามแต่มักจะอาภัพผัว อังคารกับพฤหัสเป๋นมือท่านว่าทำงานได้ทุกอย่างมีฝีมือดีแต่มักเกียจคร้าน ศุกร์กับอาทิตย์เป๋นเท้ามักชอบเดินทางเสมอ ๆ เมื่ออายุกลางคนจะสร้างฐานะด้วยปัญญาของตนเอง ได้ร่วมกับพระเวสสันดรเป๋นผู้มีใจ๋โอบอ้อมอารีชอบทำบุญสุนทานจะได้รับความสุขสบายเมื่อภายหลัง เป๋นผู้มีอายุยืนแลฯ

ผู้ที่เกิดปียี(เสือ)

         ปุคละญิงชายใดเกิดปียี เปิ้งเสือลงด้วยธาตุไม้ จุธาตุเจ้าช่อแฮเมื่อแรกเก๊าหัวตีนั้นได้ไปอาศรัยอยู่ต้นไม้ผีเสื้อ มีงูและผีเสื้อรักษาอยู่ได้เจี๋ยรจ๋ากั๋นว่าว่าดุราเจ้ากู กันว่าจักมาอาศรัยอยู่ร่วมกันตี่นี้เตี่ยงบ่กวรจะแล เยียวว่าเปียธิจักมาบีบเบียนแก่เราจะแล เหตุนั้นกวรปากั๋นไปเอากำเนิดตี่ในขุกุ๋ลคนตังหลายก่อนและ หลอนว่าปายลูนมามีเปียธิพยาธิมาบังเกิดในต๋นตั๋วแห่งข้าดั่งอั้นก็ดี ข้าก็จักเอาเครื่องมาปู๋จาหื้อสูเจ้าตังหลายนั้นรับไปเต๊อะกันว่าเจียรจ๋ากันสันนี้แล้วจิ่งได้มาเอากำเหนิดในคัพพะมารดาแห่งต๋น และได้เกิดมาเป๋นคนญิงชายตังหลายแลฯ

หื้อไหว้พระธาตุเจ้าช่อแฮว่า

โกเสยยัง ธชัคคปัพพเต วเร รัมเม พุทธธาตุปติฏฐิตา วิปปสันนา อหัง วันทามิ ทุรโตฯ

สร้างธรรมสุทธนูเป๋นธรรมชาต๋าเป๋นตาน ยอดทานของต๋นคือสร้างศาลาเป๋นตานจักสมฤทธีแลฯ

          คนเกิดปียี ธาตุไม้สิริตกอยู่บ่าขวาของพรหม อังคารเป๋นปากมักพูดจาโอหังไม่เกรงกลัวใครแต่ก็มักถูกใจผู้อื่น และมักพูดคุยเรื่องกามารมณ์ถ้าเป็นหญิงมักมีเสน่ห์ในตัว พฤหัสเป็นใจ มักเป็นคนมีจิตใจเมตตาชอบทำบุญสุนทาน อาทิตย์เป็นที่นั่ง มักมีใฝปานอยู่ในที่ลับ เป็นคนมีเสน่ห์ต่อเพศตรงข้าม พุธกับศุกร์เป็นมือชอบทำการงานในด้านศิลปวิทยาต่าง ๆ และเป็นผู้มีปัญญาดี  เสาร์กับจันทร์เป็นเท้ามักเดินทางไกลอยู่เสมอ ๆ ได้เกิดร่วมกับเจ้าสุทธนูยามเล็กได้ลำบาก เมื่อโตขึ้นจักมีทรัพย์สินเงินทองได้สุขสบายมากนัก เป็นผู้มีอายุยืนมากฯ

ผู้เกิดปีเหม้า(กระต่าย)

        ปุคละหญิงชายฝูงใดเกิดปีเหม้า เปิ้งกระต่ายลงด้วยธาตุน้ำ จุธาตุเจ้าแช่แห้ง แต่หัวเก๊าหัวตีนั้นได้อาศรัยอยู่ที่ต้นไม้จุมปูมีไก่และงูรักษาอยู่ได้ฟู่อู้เจี๋ยรจ๋ากั่นว่าดุราเจ้ากู กันว่าจักมาอาศรัยอยู่ร่วมกันตี่นี้เตี่ยงบ่กวรจะแล เยียวว่าเปียธิจักมาบีบเบียนแก่เราจะแล เหตุนั้นกวรปากั๋นไปเอากำเนิดตี่ในขุกุ๋ลคนตังหลายก่อนและ หลอนว่าปายลูนมามีเปียธิพยาธิมาบังเกิดในต๋นตั๋วแห่งข้าดั่งอั้นก็ดี ข้าก็จักเอาเครื่องมาปู๋จาหื้อสูเจ้าตังหลายนั้นรับไปเต๊อะกันว่าเจียรจ๋ากันสันนี้แล้วจิ่งได้มาเอากำเหนิดในคัพพะมารดาแห่งต๋น และได้เกิดมาเป๋นคนญิงชายตังหลายแลฯหื้อไหว้พระธาตุเจ้าแช่แห้งว่า

มาตาภุตา อตุรานุภาจิรัง บติฏฐานันทกัปปัฏฐาปุเร เทเวคุตตา วรพุทธธาตุจิรัง วันทามิ นัตตัง ชินธาตุ เสฏฐา  อหัง วันทามิ ทุรโตฯ

สร้างธรรมเนมิราชเป็นธรรมชาตาเป็นตาน ยอดทานให้สร้างปราสาทเป็นทานเต๊อะ

         คนเกิดปีเหม้า ธาตุน้ำสิริตกอยู่ที่บ่าซ้ายของพรหม พุธเป็นปากมักพูดจาเป็นที่ถูกใจผู้อื่น แต่มักเป็นคนประจบสอพลอ ศุกร์เป็นใจมักง่ายเป็นคนโกรธง่ายหายเร็ว และมีใจไม่ค่อยหนักแน่น จันทร์เป็นที่นั่ง เป็นคนมักมากในกามารมณ์ พฤหัสกับเสาร์เป็นมือเป็นคนทำงานเรียบร้อยดี ถ้าเป็นหญิงมีเสน่ห์ต่อเพศตรงข้าม จะได้ผัวเป็นคนตาเหล่ อาทิตย์กับอังคารเป็นเท้าเป็นคนชอบเที่ยวอยู่เสมอ ๆ อยู่ไม่เป็นที่แต่มีประสบการณ์ดี ได้ร่วมชาติกับเจ้าเนมิราช ยามเมื่ออายุยังน้อยมีความสุขดี ปานกลางคนได้ลำบากหนหนึ่ง ปายลูนจักได้สมบัติของเก่าปายหลังได้มีสุข เป็นผู้มีอายุยืนพอปานกลางแลฯ

ผู้เกิดปีสี(งูใหญ่)

         ปุคละญิงชายฝูงใดเกิดปีนี้จุธาตุเจ้าพระสิงห์ ลงด้วยธาตุดินแรกแต่หัวทีก่อนนั้นได้อาศรัยอยู่ตี่กอข้าวใหญ่ อันมีไก่ละหมูอยู่รักษาได้เจี๋ยรจ๋ากันว่าว่าดุราเจ้ากู กันว่าจักมาอาศรัยอยู่ร่วมกันตี่นี้เตี่ยงบ่กวรจะแล เยียวว่าเปียธิจักมาบีบเบียนแก่เราจะแล เหตุนั้นกวรปากั๋นไปเอากำเนิดตี่ในขุกุ๋ลคนตังหลายก่อนและ หลอนว่าปายลูนมามีเปียธิพยาธิมาบังเกิดในต๋นตั๋วแห่งข้าดั่งอั้นก็ดี ข้าก็จักเอาเครื่องมาปู๋จาหื้อสูเจ้าตังหลายนั้นรับไปเต๊อะกันว่าเจียรจ๋ากันสันนี้แล้วจิ่งได้มาเอากำเหนิดในคัพพะมารดาแห่งต๋น และได้เกิดมาเป๋นคนญิงชายตังหลายแลฯหื้อไหว้ยังพระธาตุพระสิงห์ว่า

นมามิ พิมพาสุขนาทิปูชัง สุรูปธารัง ติวาภิรัมมัง ติโลก เชฏฐัง วรกิตติมันตัง ภสิหคสุขัง อหัง วันทามิ ทุรโต

หื้อสร้างธรรมสมภมิตร เป็นธรรมชาตาเป็นทาน ยอดทานหื้อสร้างเจดีย์และคะตึกเป็นทาน

          คนเกิดปีสี ธาตุดินสิริตกที่อกพรหม พฤหัสเป็นปากมักพูดจาปากหวาน มักเป็นที่พอใจแก่สมณะชีพราหมณ์ และคนทั่วไป รู้หลักนักปราชญ์ ปากเป็นเอกเลขเป็นโทโดยแท้ พระเสาร์เป็นใจเป็นคนใจแข็งไม่ค่อยเชื่อหรือยอมไครง่าย ๆ แต่ทว่าเป็นคนใจบุญสุนทาน ศุกร์กับอาทิตย์เป็นมือเป็นคนทำการงานได้ดีทุกอย่างแต่เอาดีทางศิลปะไม่ได้ เป็นหญิงมักมีเสน่ห์ปลายจวัก อังคารเป็นที่นั่งเป็นคนที่มีอำนาจวาสนาจะได้พรรคพวกมิตรแก้วสหายมากมาย จันทร์กับพุธเป็นเท้า เป็นคนเจ้าสำราญไม่ค่อยหงอยเหงาได้ร่วมพระยาสมภมิต ตกอยู่แห่งหนใดไม่อดอยาก ท่านว่าเป็นผู้มีปัญญาดีมากเมื่อเล็กมักพลัดพรากจากที่อยู่ กลางคนจักได้สุขสบายด้วยปัญญาของตนเอง เกณฑ์ชาตาเป็นผู้มีอายุยืนมาก
ผู้เกิดปีใส้(งูน้อย)

          คนเกิดปีนี้จุธาตุทีพระพุทธเจ้าทรงตรัสรู้ผญ๋าสัพพัญญูคือมหาสัตตปัฏฐาน แล้วเข้าไปสู่เก๊าไม้หัด ซึ่งมีผีเสื้อสองตั๋วอยู่รักษา ได้ฟู่จ๋ากันสันเดียวดังกล่าวแล้ว ได้เข้าสู่คัพพะแม่แห่งตนเกิดมาเป็นคนญิงชายตังหลายนี้แลหื้อไหว้สัตตะมหาปัฏฐาน ด้วยคำว่า

ปฐมัง โพธิปันังกัง ทุติยัง อนิมิสสกัง ตติยัง จังกมัง เสฏฐัง จตุฏฐัง รตนฆรัง ปัญจมัง อัชชปารัญจ มุจจรินทัญจ ฉัฏฐมัง สัตตมัง ราชายตนัง เอเตสัตตมหาฐาเน อหัง วันทามิ ทุรโตฯ

สร้างธรรม ภริทัต เป็นธรรมชาตา ยอดทานหื้อสร้างดอกไม้คำเป็นทาน

          คนเกิดปีใส้ ธาตุน้ำสิริตกอยู่ที่ท้องพรหม ศุกร์เป็นปากเป็นคนพูดจาพาทีโอ้อวดพูดจาเฉียบแหลมได้ถ้อยได้ความดี มักเจ้าชู้ถ้าเป็นหญิงมักอาภัพผัว จะได้ผัวเป็นคนหัวล้าน พุธเป็นที่นั่งเป็นคนมักมากในกามารมณ์ ถ้าเป็นหญิงมักมีเสน่ห์ต่อเพศตรงข้าม อาทิตย์เป็นใจเป็นคนใจร้อน โกรธง่ายหายเร็ว มักมีทิฏฐิจะเอาอะไรก็ให้ได้ดั่งใจ แต่มักพลาดท่าเสียทีคนอื่นเขาเสมอ เสาร์กับจันทร์เป็นมือเป็นคนทำงานทำการได้ดีมีฝีมือเป็นหญิงมักมีคนชอบใจแต่มักอาภัพคู่ครอง จะได้แต่งงานเมื่อแก่ อังคารกับพฤหัสเป็นเท้าเป็นคนมักท่องเที่ยวเก่ง จากที่อยู่เดิมไปอยู่ถิ่นอื่นจึงจะได้ดี ได้ร่วมกับเจ้าภูริทัตเมื่อยามเล็กได้ลำบากเมื่อปานกลางคนมักจะระเหเร่ร่อนภายหลังจะมีสุขมีฐานะร่ำรวยมีอันจะกินแลฯ

ผู้เกิดปีสะง้า(ม้า)

        ปุคละญิงชายฝูงใดเกิดปีนี้ จุธาตุเจ้าตะโก้งหงสา ลงด้วยธาตุเหล็กแรกแต่เก๊าหัวทีนั้นได้ไปอาศรัยอยู่ตี่ต้นไม้แกฝอย มีหมาเฝ้ารักษาอยู่จิ่งได้ฟู่อู้เจี่ยรจ๋ากันว่าดุราเจ้ากู กันว่าจักมาอาศรัยอยู่ร่วมกันตี่นี้เตี่ยงบ่กวรจะแล เยียวว่าเปียธิจักมาบีบเบียนแก่เราจะแล เหตุนั้นกวรปากั๋นไปเอากำเนิดตี่ในขุกุ๋ลคนตังหลายก่อนและ หลอนว่าปายลูนมามีเปียธิพยาธิมาบังเกิดในต๋นตั๋วแห่งข้าดั่งอั้นก็ดี ข้าก็จักเอาเครื่องมาปู๋จาหื้อสูเจ้าตังหลายนั้นรับไปเต๊อะกันว่าเจียรจ๋ากันสันนี้แล้วจิ่งได้มาเอากำเหนิดในคัพพะมารดาแห่งต๋น และได้เกิดมาเป๋นคนญิงชายตังหลายแลฯหื้อไหว้พระธาตุเจ้าตะโก้งว่า

ชัมภูทีเป วรฐาเน สิงคุตตเร มโนรัมเม สัตตรตนัง กกุสันธัง สุวรรณะทัณฑัง ธาตุโย ฐัสสติทุติยัง โคนาคมนัง ธัมมกรณัง ธาตุโย ฐัสสติ ตติยัง กัสสัปปังพุทธปรมัตตโย ฐัสสติ จตุตถัง โคตมัง อัฏฐ เกสธาตุโย อหัง วันทามิ สัพพทาฯ

สร้างธรรมสุทน เป็นธรรมชาตา ยอดทานหื้อสร้างแท่นจองนอนเป็นทาน จักอุดมสมบูรณ์ดีแล

        ผู้เกิดปีสะง้า ธาตุเหล็ก สิริตกอยู่ที่มือขวาของพรหม เสาร์เป็นปากมักปากกล้าถือดี มักพูดมากกว่าทำแต่มีคนชอบใจ จันทร์เป็นใจ มักเป็นคนใจอ่อนสงสารคนเอาง่าย ๆ พฤหัสเป็นที่นั่งเป็นคนชอบอยู่กับที่ ถ้าบวชเป็นสมณะชีพราหมณ์จะมีคนเคารพนับถือมากมาย อาทิตย์เป็นมือเป็นคนรับราชการอาสาเจ้านายดี พุธกับศุกร์เป็นเท้าเป็นคนไม่ชอบเดินทางไกลได้ร่วมกับเจ้าสุธนเมื่อยามน้อยได้พลัดพรากจากที่อยู่ ปายลูนมาจึงได้รับความสุขคนเกิดปีนี้มักจะได้ลาภจากผู้ใหญ่ เกณฑ์ชาตาเป็นผู้มีอายุยืนแลฯ


ผู้ที่เกิดปีเม็ด(แพะ)

          ผู้ที่เกิดปีนี้ จุธาตุเจ้าสุเทพ ลงด้วยธาตุดิน แต่เก๊าหัวตี่ก่อนนั้นได้อาศรัยอยู่ที่ต้นไม้กว๋าวอันมีหมาเฝ้าอยู่รักษา ได้ฟู่อู้กั๋นว่าดุราเจ้ากู กันว่าจักมาอาศรัยอยู่ร่วมกันตี่นี้เตี่ยงบ่กวรจะแล เยียวว่าเปียธิจักมาบีบเบียนแก่เราจะแล เหตุนั้นกวรปากั๋นไปเอากำเนิดตี่ในขุกุ๋ลคนตังหลายก่อนและ หลอนว่าปายลูนมามีเปียธิพยาธิมาบังเกิดในต๋นตั๋วแห่งข้าดั่งอั้นก็ดี ข้าก็จักเอาเครื่องมาปู๋จาหื้อสูเจ้าตังหลายนั้นรับไปเต๊อะกันว่าเจียรจ๋ากันสันนี้แล้วจิ่งได้มาเอากำเหนิดในคัพพะมารดาแห่งต๋น และได้เกิดมาเป๋นคนญิงชายตังหลายแลฯ

หื้อไหว้พระธาตุเจ้าสุเทพว่า

สุวรรณะเจติยัง เกสะวรมัตถลุงคัง วรัญญธาตุง วรฐาเนสุเทเว สัพพปูชิตัง นรเทเวหิ อหัง วันทามิ ทุรโต อหัง วันทามิ ธาตุโยฯ

ธรรมชาตาหื้อสร้างเป็นทานคือ ธรรมจ๊างสะตัน หื้อสร้างปราสาทเป็นยอดทาน จิ่งจักอุดมสมฤทธี แลฯ

          ผู้เกิดปีเม็ด ธาตุดิน สิริตกอยู่ที่มือซ้ายของพรหม อาทิตย์เป็นปากเป็นคนพูดจาเฉลียวฉลาด พูดให้คนเชื่อได้ง่ายแต่ใจรวนเรเหลาะแหละไม่แน่นอน ศุกร์เป็นที่นั่งเป็นคนมักมากในกามารมณ์เก็บทรัพย์ไว้ไม่อยู่ได้ง่ายจ่ายง่าย จันทร์กับพุธเป็นมือ เป็นคนทำอะไรได้แทบทุกอย่างมีปัญญาดีแต่ไม่มีความเพียร พฤหัสกับเสาร์เป็นเท้าชีพจรลงเท้าอยู่ไม่เป็นสุขกับที่มักท่องเที่ยวไปเดินทางไกลอยู่เสมอ ๆ ได้ร่วมชาติกับช้างสะทันผู้เกิดปีนี้จะได้สมบัติจากผู้อื่นโดยไม่รู้ตัวเมื่อยามน้อยมักเป็นพยาธิควรทำบุญด้วยการให้ทานกับพระสงฆ์ที่มีอายุพรรษามาก ๆ จักมีโชคลาภ เกณฑ์ชาตาเป็นผู้มีอายุยืนพอปานกลางแลฯ

ผู้เกิดปีสัน(ลิง)

          ผู้เกิดปีนี้ จุธาตุที่นครพนม แล้วไปสู่ต้นไม้ขะจาวซึ่งมีผีเสื้อและหมาอยู่รักษา ก็ได้ฟู่จ๋ากันปฏิญญาณต่อกันแล้วหนีเข้ามาสู่ท้องแม่ได้เกิดเป็นคนญิงชายตังหลายนี้แล หื้อได้ไหว้พระธาตุเจ้าพนมก่อนว่า

ปันนคิริสมิง ปัพพเต มหากัสสัปเป ฐปิตัง พุทธรังกตุสิโส นมามิ ทุรโตฯ

หื้อสร้างธรรมมโหสถเป็นธรรมชาตา ยอดทานนั้นหื้อสร้างกำแพงเป็นทาน จิ่งจักอุดมสมฤทธีแลฯ

          ผู้ที่เกิดปีสัน ธาตุเหล็ก สิริตกอยู่ที่ท้องพรหม จันทร์เป็นปากเป็นคนปาหวานไพเราะแต่มักจะเย่อหยิ่งจองหองเป็นบางครั้ง พุธเป็นใจชอบเรียนเรื่องกฎหมายและถ้อยความ เสาร์เป็นที่นั่งชอบกามามีอำนาจวาสนาถ้าเป็นหญิงมักมีใฝที่ของลับ ถ้าเป็นชายมักมากในทางเจ้าชู้ อังคารกับพฤหัสเป็นมือ เป็นคนมักง่ายสุรุ่ยสุร่ายมีสมบัติเงินทองเก็บไม่ค่อยอยู่ ศุกร์กับอาทิตย์เป็นเท้า เป็นคนชอบเดินเที่ยวเกิดที่นี่มักได้ดีในถิ่นอื่นได้ร่วมเจ้ามโหสถเมื่อยามเล็กพ่อแม่เลี้ยงยาก โตขึ้นมีปัญญาดี จักได้รับโชคลาภจากคนพิการหรือเพศตรงข้ามจะได้รับความสบายเมื่อแก่เกณฑ์ชาตาเป็นผู้มีปัญญาดีมีอายุยืนฯ
ผู้เกิดปีเล้า(ระกา)

          ปุคละญิงชายฝูงใดเกิดปีนี้ จุธาตุเจ้าหริภุญชัย ลงด้วยธาตุเหล็กได้ร่วมชาติกับเจ้าสิทธาตถ์แต่เก๊าหัวตีนั้นได้อาศรัยอยู่ต้นกอก อันมีเสื่อโคร่งเฝ้ารักษาอยู่ ได้เจี๋ยรจ๋ากันว่าดุราเจ้าเสือโคร่ง  กันว่าจักมาอาศรัยอยู่ร่วมกันตี่นี้เตี่ยงบ่กวรจะแล เยียวว่าเปียธิจักมาบีบเบียนแก่เราจะแล เหตุนั้นกวรปากั๋นไปเอากำเนิดตี่ในขุกุ๋ลคนตังหลายก่อนและ หลอนว่าปายลูนมามีเปียธิพยาธิมาบังเกิดในต๋นตั๋วแห่งข้าดั่งอั้นก็ดี ข้าก็จักเอาเครื่องมาปู๋จาหื้อสูเจ้าตังหลายนั้นรับไปเต๊อะกันว่าเจียรจ๋ากันสันนี้แล้วจิ่งได้มาเอากำเหนิดในคัพพะมารดาแห่งต๋น และได้เกิดมาเป๋นคนญิงชายตังหลายแลฯหื้อไหว้พระธาตุเจ้าหริภุญชัย ลำพูนว่า

สุวัณณะเจติยัง หริภุญชยัฏฐัง วรโมลีธารัง อุรัฏฐิเสฏฐัง สหอังคุลิฏฐัง กัจจายเนนานิตปัตตะปูรัง สีเสนะ มัยหัง ปณมามิธาตุ อะหัง วันทามิ สัพพทาฯ

สร้างธรรมสิตธัตถะ เป็นธรรมชาตา หื้อได้สร้างเป็นทาน ยอดทานนั้นคือสร้างวัจจกุฎีเป็นทานเต๊อะ จักอยู่สุขสวัสดีฑีฆาแลฯ

          ผู้ที่เกิดปีเล้า ธาตุน้ำสิริตกอยู่ที่เข่าซ้ายของพรหม อังคารเป็นปากชอบพูดจาห้าวหาญดุดันแต่ทว่ามักมีเหตุผล พฤหัสเป็นใจเป็นคนมีใจเป็นคนมีใจบุญสุนทานชอบให้ทาน เป็นคนใจอ่อนใจง่ายใครขออันใดมักให้ด้วยง่าย อาทิตย์เป็นที่นั่งเป็นคนมีอารมณ์ทางเพศรุนอแรงนักถ้าเป็นหญิงมักมีใฝหรือปานที่ลับแต่มีใจใฝ่สูง พุธกับศุกร์เป็นมือ เป็นคนมีฝีมือดีในเชิงช่างแต่ทว่ามีความเพียรน้อย ใจเหลาะแหละ เสาร์กับจันทร์เป็นเท้า มักอยู่ไม่เป็นที่ เกิดที่นี่มักได้ดีที่อื่นได้ร่วมกับเจ้าสิทธาตถ์ ยามเมื่อน้อยได้พลัดพรากจากบ้านเมือง ปายลูนได้รับสมบัติทำนายว่าจะได้เป็นผู้มีอายุยืนฯ

ผู้เกิดปีเส็ด(หมา)

         ปุคละญิงชายฝูงใดเกิดปีนี้จุธาตุพระเกตุแก้วจุฬามณี แล้วเอาต๋นหนีไปสู่ต้นหมากต๋าเสืออันมีผีเสื้อเฝ้าอยู่รักษา จิ่งได้เจี๋ยรจ๋ากั๋นไปมาว่า ดูราผีเสื้อกูนี้อยู่กับมึงบ่ได้เยียวว่าเปียธิจักมาบีบเบียนแก่เราจะแล เหตุนั้นกวรปากั๋นไปเอากำเนิดตี่ในขุกุ๋ลคนตังหลายก่อนและ หลอนว่าปายลูนมามีเปียธิพยาธิมาบังเกิดในต๋นตั๋วแห่งข้าดั่งอั้นก็ดี ข้าก็จักเอาเครื่องมาปู๋จาหื้อสูเจ้าตังหลายนั้นรับไปเต๊อะกันว่าเจียรจ๋ากันสันนี้แล้วจิ่งได้มาเอากำเหนิดในคัพพะมารดาแห่งต๋น และได้เกิดมาเป๋นคนญิงชายตังหลายแลฯหื้อไหว้พระเกตุแก้วจุฬามณีว่า

ตาวติงเส ปุเรรัมเม เกสา จุฬาสรีรปัพพโต สัพพเทวานังตัง สิรสาธาตุมุตตมัง อหัง วันทมิ ทุรโตฯ

ธรรมจาตาคือ ธรรมกุสราชหื้อสร้างเป็นทาน ยอดทานหื้อสร้างธรรมมาสน์เป็นตาน ก็จักวุฒิจำเริญแลฯ

         ผู้เกิดปีเส็ด ธาตุน้ำสิริตกอยู่เข่าขวาของพรหม พุธเป็นปากเป็นคนพูดจาซื่อสัตย์มีอย่างใดก็ว่าอย่างนั้นรักศีลรักธรรม ทำคุรคนไม่ขึ้นเหมือนปิดทองหลังพระ ศุกร์เป็นใจเป็นคนมีจิตใจเข้มแข็ง สุขุมรอบคอบดีนัก จันทร์เป็นที่นั่งมักอยู่กับที่ไม่ชอบไปไหนมาไหน พฤหัสกับเสาร์เป็นมือเป้นคนมีฝีมือเรียนอันใดในทางเชิงช่างมักได้ดิบได้กว่าผู้อื่นแต่มักเกียจคร้าน อาทิตย์กับอังคารเป็นเท้าเป็นผู้มีวาสนาดี ย้ายไปอยู่ที่ไหนก็มีคนรักชอบพอใจได้ร่วมกับเจ้ากุสราช เมื่อยามเด็กเล็กได้ลำบากด้วยเปียธิ โตขึ้นจักตั้งหลักฐานด้วยปัญญาตนเองมีอายุยืนปานกลาง  

ผู้เกิดปีไก๊(หมู)

        ผู้เกิดปีนี้จุธาตุเจ้าดอยตุง ลงด้วยธาตุน้ำ แต่หัวเก๊าหัวตีนั้นได้เข้าไปสู่ต้นดอกบัวเขียวอันมียักษ์เฝ้ารักษาอยู่ ได้ฟู่อู้จ๋ากั๋นว่าดูรายักขะกูนี้จักอยู่กับมึงบ่ได้และ เยียวว่าเปียธิจักมาบีบเบียนแก่เราจะแล เหตุนั้นกวรปากั๋นไปเอากำเนิดตี่ในขุกุ๋ลคนตังหลายก่อนและ หลอนว่าปายลูนมามีเปียธิพยาธิมาบังเกิดในต๋นตั๋วแห่งข้าดั่งอั้นก็ดี ข้าก็จักเอาเครื่องมาปู๋จาหื้อสูเจ้าตังหลายนั้นรับไปเต๊อะกันว่าเจียรจ๋ากันสันนี้แล้วจิ่งได้มาเอากำเหนิดในคัพพะมารดาแห่งต๋น และได้เกิดมาเป๋นคนญิงชายตังหลายแลฯหื้อไหว้พระธาตุเจ้าดอยตุงว่า

พิมพธชัคคปัพพเตน สิรสาธาตุวัง มหาคมนา นมามิหังฯ อหัง วันทามิ ทุรโต อหัง วันทามิ ธาตุโยฯ

หื้อสร้างธรรมสุตตโสม เป็นธรรมจาตาทาน ยอดทานหื้อสร้างโรงอาบน้ำเป็นทาน ก็จักมีผละอานิสงส์อันกว้างขวางนัก

        ผู้ที่เกิดปีไก๊ ธาตุน้ำสิริตกอยู่ที่เท้าซ้ายของพรหม พฤหัสเป็นปากพูดจามีเหตุผลให้คนเขาเชื่อถือได้ ปากเป็นแอกเลขเป็นโท เสาร์เป็นใจ อ่อนไหวเชื่อคนง่าย มีเมตตาสูง มักพลาดท่าเสียทีคน อังคารเป็นที่นั่งเป็นคนมักมากในกามารมณ์ ถ้าเป็นหญิงจะมีเสน่ห์มาก จะได้มีผัวมีอายุแก่ เป็นหม้าย ศุกร์กับอาทิตย์เป็นมือ ทำการงานทุกสิ่งรวดเร็วทันใจ อาสาเจ้านายหรือทำราชการดีมากจะก้าวหน้า จันทร์กับพุธเป็นเท้าเจ้าอารมณ์โกรธง่ายหายเร็ว เพื่อนฝูงรักชอบได้ร่วมกับเจ้าสุตตโสมเป็นคนมีปัญญาดี มีสมบัติพอปานกลาง อายุยืนแล
[size=11.6667px]ของดีบ่าเก่า สืบกั๋นมาเมินนักแกเน่อพี่น้องทังหลาย